繼早前獲一本國際航空雜誌推選為「2006年全球最佳航空公司」，國泰航空再下一城，榮膺全球最佳機艙服務第四位，真係可喜可賀。國際網上旅遊雜誌《TripAdvisor》前排訪問咗二千三百幾名旅客，就航空公司嘅餐飲、座位同娛樂等服務評級，結果國泰獲選為最佳機艙服務第四位，而首三位就依次為英航、維珍同新加坡航空。
可能因為連續幾日公眾假期嘅關係，國泰PR都係從八方口中先知到呢個好消息，佢即刻好開心咁話，今年適逢國泰六十周年，攞完全球最佳航空公司，再攞埋最佳機艙服務第四位，實在係錦上添花，仲話佢哋一定會繼續努力，為顧客提供最好嘅服務。
傳真︰2623-9278
電郵︰[email protected]