立法會資訊科技委員會主席單仲偕、副主席大班、同卿姐，𠵱家就喺華盛頓考察公營廣播。立法會職員噚日影咗啲相畀傳媒，但啲相竟然張張手震冇一張係清楚，一睇就知冇開閃光燈，搞到傳媒想登都登唔到，佢三位就冇得見報。
所謂獻醜不如藏拙，立法會如果精啲，就唔應該向傳媒發呢啲相，咁樣只會俾人笑佢哋啲職員，原來連開閃燈都唔識。
講開公營廣播，審計署將會喺月底有報告孖叉港台嘥錢，港台高層都知道唔會好嘢，到時實俾傳媒大寫特寫，副處長吳錫輝好快就退休，睇怕政府好大機會，借勢空降個AO做副處長，趁黃應士個報告未出，提前整治港台。
傳真︰2623-9278
電郵︰[email protected]