人稱「表妹」的鄭詩韻，表姐是中信泰富主席榮智健的姪女榮文蔚（Yvette）。去年五月鄭詩韻放棄高薪厚職，夥拍榮文蔚和賭王千金何超瓊（Pansy）成立財經公關公司，她希望公司在香港的業界可以佔一席位。鄭詩韻是父母的掌上明珠，自小被家人寵壞，現在做了老闆，面對客戶和下屬，做人處事的態度改變了。 撰文：顏英儀
去年用了短短三個月實現創業大計的名媛鄭詩韻，成立財經公關公司囗智企業傳訊（Trimaran），擔任行政總裁一職，鄭詩韻說：「開財經公關公司係Pansy兩年前嘅idea，我以前喺英高財務顧問公司打工都有接觸呢個行業，發現呢行有不足之處，而且缺乏newblood，倒不如自己做，所以上年五月辭職後，用咗三個月setup新公司。
股東互補不足
「投資金額唔係太多，全公司有六個人幫手，由細做起，希望喺香港財經公關界可以佔一席位。公司名囗智嘅意思係集合三個partners嘅智慧，我同Pansy、Yvette好夾，Pansy就係亦師亦友，認識佢令我獲益良多，佢畀我好多意見；Yvette係我表姐，由細玩到大，有乜嘢問題都會同佢傾。」
鄭詩韻續說：「我係公司嘅揸弗人，主動coldcall、見客，大家各展所長，互補不足，三個股東之中我年紀最細，所以佢哋都好遷就我。創業之後做人事事都要求高咗，以前打工覺得成績攞B已經滿足，𠵱家希望可以攞到A。」
盛讚男友體貼
三十一歲的鄭詩韻畢業於加拿大多倫多大學經濟系，母親鄭陶美蓉是法國國家巴黎銀行的CEO，父親鄭寶勇則經營物流生意，生於富裕家庭，是獨生女的鄭詩韻說：「我細個都算俾家人寵壞，細細個有個工人照顧我，屋企人好錫我，物質方面亦好豐富，不過創業比以前打工嘅壓力大，比舊年瘦咗十五磅，爹哋唔捨得我捱到殘晒，面色唔好。以前日日食燕窩，不過好似冇乜用，所以父母特別買冬蟲草磨粉畀我沖水飲，增強免疫力。」
回到辦公室，鄭詩韻預備了iPod和音響器材，如果工作至深夜，她會聽側田和光良的歌減壓，另外又放了與男友陳鴻業（Alan）的合照，以解相思之苦。
創業後才發現做老闆並非易事，勞心勞力，連父母和男友都投訴少了時間見面，鄭詩韻說：「我係公司嘅大股東，做咗老闆先知道咁辛苦，以前喺英高打工，個個禮拜做足八十個鐘，不過個個月有穩定收入。𠵱家做咗老闆，事事親力親為，weekend都要傾公事，以往修甲set頭嘅時間都冇晒，連父母都少見咗，Alan都有投訴。」不過鄭詩韻每日最大的安慰，就是男友風雨不改接她放工，爭取見面時間。
在家是千金小姐，鄭詩韻被家人遷就慣，所以養成十分率直的性格，不喜歡的便sayno，無彎轉，但做老闆後，性格改變不少，她說：「以前做投資銀行份工好大優越感，要人聽我意見，創業後開始會聽人哋嘅意見，唔好吓吓sayno，𠵱家做服務行業，要學識聽客戶嘅意見，待人處事都成熟咗。」
Ball場新貴封胸
近年成為ball場新貴的鄭詩韻，經常與表姐榮文蔚和何超瓊穿梭各大小party，衣着性感引起傳媒的注目，年前戀上了形象花弗的施念慈前夫陳鴻業，姊弟戀曝光後更受注視，所以鄭詩韻創業做老闆，決定要一洗以往partyanimal的形象。
鄭詩韻解釋說：「去ball當然係要着ballgown，少不免會性感。但係自從做老闆，我覺得要表現得更專業，有次為政府機構做嘢，自己身兼司儀，當時亦有政府嘅局長在場，突然有人話認得我，更攞出份剪報，係我出席一個party時衣着袒胸露背嘅，當時我覺得好尷尬，雖然對方並冇惡意，但以後衣着方面會收起性感。」
攝影：陳慧安
部份相片由鄭詩韻提供
