能夠忙裏偷閒的話，鄭詩韻覺得最relax和最享受的時間，就是歎spa和旅行，她說：「我一有時間就會去做spa，因為每日要對住電腦工作，個腦不停咁轉，做spa可以令人靜落嚟，情緒紓緩一下。
「至於旅行係我由細到大最大嘅興趣，自細一家人一有長假期就會周遊列國，成日去日本、歐洲各國shopping，不過𠵱家發現shopping同食都唔夠relax。」所以近年她愛上陽光與海灘，鍾意到峇里、布吉和新加坡等東南亞resort享受人生，與男友陳鴻業拍拖以來，去過不少地方旅行，早前偕男友出席友人於峇里島舉行的婚禮，印象難忘。
鄭詩韻說：「喺AmanpuriResort舉行，一晚房租要一千美金（約七千八百港元），酒店有獨立私人泳池，服務同環境都令我印象深刻，食物水準又非常高，我同男友都玩到樂而忘返，同去歐洲嘅感覺好唔同，期待將來可以去埃及、中國名勝九寨溝、絲綢之路等特別地方旅行。」