本報記者日前訪問五十名市民，看看梁漢文與許志安哪一位較被看好，結果論觀眾緣梁漢文就稍勝一籌，有不少市民直言許志安拿緋聞當宣傳非常不正確。
Carmen：「其實如果要我買佢哋嘅碟都係一半一半，但係起碼梁漢文個形象好過安仔好多，對佢唱歌亦有信心啲，而且安仔啲緋聞亦令我扣晒分，除咗佢搵Sammi博宣傳外，連韓紅都唔放過。」
Carrie：「我揀許志安，因為之前睇報紙話佢肥咗三十磅，所以好想睇吓佢肥咗個樣，而且亦都想聽吓佢嘅新歌，不過我就唔覺得佢會憑今次出碟就人氣反彈，至於梁漢文個感覺就一直麻麻哋，而且唔係咁鍾意聽佢啲歌，所以唔會揀佢。」
Ken：「一定揀梁漢文，因為佢個形象sporty啲，而且我唔鍾意安仔成日搵鄭秀文做宣傳，真係好討厭，加上覺得安仔唱歌愈嚟愈差，所以唔會吸引到我買安仔嘅碟。」
蘇先生：「梁漢文，因為佢唱歌好聽過許志安，起碼之前首《艦隊》好聽過安仔嘅《大風吹》，安仔以前嘅歌就好聽，𠵱家嗰啲就連download都唔會聽。」
張小姐：「其實兩個我都麻麻哋，雖然梁漢文啲歌都好聽，但係我都會係揀許志安，因為我覺得佢靚仔啲嘛。」
