噚日係綠色學生聯會發起嘅「4.15無膠袋日」，民主黨主席李永達、公民黨魁余若薇同民建聯前主席曾鈺成，講起環保非常齊心，噚日齊齊出席「無膠袋號」電車嘅啟航儀式，聯手宣傳減用膠袋。達仔喺儀式上話，𠵱家出席好多活動都有環保袋送，自己儲儲埋埋屋企已經有二十幾個環保袋；八方心諗，儲環保袋咁多有乜用？成哥已發炮暗寸達仔，話好多人對環保袋係拎多過用，到頭來對環保都冇幫助，雖然成哥無指名道姓，但係明眼人都知佢寸緊邊個啦。
爆料熱線：29290000、27860099
報料傳真：26239278
報料電郵：[email protected]