北京將於○八年舉辦奧運，官方籌委會早前為奧運挑選大會宣傳歌曲，收集了三百多首來自東南亞各地的作品後，最終選了一首由吳國敬作曲、向雪懷填詞的《奧運北京》，現時譚詠麟擔任統籌聯絡歌手錄音事宜。
與克勤合唱
阿倫昨日說：「好趕呀，因為我要呢幾日聯絡晒歌手喺十九號錄音。」阿倫謂他會首先聯絡劉德華與李克勤參與獻唱，他又說：「要同唱片公司傾，可能有版權問題，我哋當然歡迎多啲歌手一齊參加，除咗香港外，內地同台灣歌手都會搵，奧運係值得大家開心嘅大事，首歌未來兩年會喺各地不停播，尤其係內地。」阿倫大讚吳國敬的作品能打低各地高手，相當出色，他說：「我知其他對手都好出名㗎，我聽過首歌，真係幾好聽。」
吳國敬作曲
吳國敬昨日說：「好開心，之前我跟明星足球隊去菲律賓時，志偉叫我作首歌，我起初唔知乜事，了解咗後好畀心機作，出啲綿力啫。」吳國敬近日要閉關做編曲及分段，問到可擔心歌手爭唱先後的問題，吳國敬說：「唔怕，阿倫身為校長，除咗統籌仲做埋監製，佢會搞㗎。咁第一段當然係佢唱啦，之後第二、三個就傷腦筋啦，但相信大家為件事都唔會介意。」
撰文：蔡如玉