去年的05曙光隊前赴蘇格蘭參加露宿者世界盃時，前鋒「骰仔」因有案底被拒簽證，全靠陳日君主教及立法會議員余若薇去信英國駐港總領事館求情，「骰仔」才得以成行。他在今年一月已找到速遞工作，成功更生。
現年三十一歲的骰仔，去年四月因盜竊被判罪而有案底，英國駐港總領事館因此一度拒絕向他發出簽證，「全靠陳日君同余若薇幫我寫求情信，好多謝佢哋。」骰仔自幼家境清貧，哥哥和他都曾經露宿街頭，「我曾經好頹喪，埋怨點解呢個世界咁對我。」
外國人都嗌「加油」
打完露宿者世界盃，骰仔發覺世界原來還是充滿愛心，「落場比賽，好多人同我哋打氣，連外國人都用廣東話嗌『加油！』令到我哋明白，唔應該放棄自己。」骰仔已找到一份速遞工作，他勸勉所有失意的人，「唔知係唔係香港人嘅特性，好多人遇挫折嘅時候，唔肯接受別人幫助，其實呢樣嘢好緊要，想起番身，都要有人扶你先得㗎！