一年多前與嗜賭丈夫仳離的阿娟，帶着現年八歲的女兒小美相依為命。因欠缺工作技能，阿娟惟有靠領取綜援金過活。她覓得新居所後，卻為添置電器用品煩惱。
全屋電器均從舊居搬來的阿娟向記者訴苦，「我冇能力負擔咁多新電器，呢啲電器都係二手買番嚟，計吓條數都用咗十幾年，大部份已經壞晒，𠵱家都係勉強用落去。」
「搶火嚇到好驚」
她走到廚房說：「呢部石油氣爐好危險，成日撻唔着火，有時走漏氣突然搶火，啲火會喺爐底走出嚟，嚇到我好驚，唔敢用。」她已盡量使用電熱鍋煮食，但電熱鍋有一定煮食限制，她有時迫不得已冒險使用該石油氣爐煮食。
阿娟的女兒小美最愛吃糖果。她說雪櫃不夠凍，放進去的朱古力、果醬及糖果很快變壞，浪費食物。「啲糖放入去冇幾耐，就變成一撻撻溶晒，我就黏吓黏吓咁食！」
阿娟也擔心女兒吃下變壞食物會引致腸胃不適，所以飯餸不會留作下一餐食用，每煮一餐就盡量只買足夠一餐食用的餸菜，免為冷藏食物費神，只是夏天將至，沒有雪櫃確實令她生活甚不便。
家中一向沒有電視機的阿娟，對愛女欲收看教育電視及卡通片也沒法滿足。小美惟有放學做完功課後，由母親陪同到附近社區中心收看電視節目。阿娟希望善長能捐贈石油氣煮食爐、雪櫃及電視機，改善她們的生活環境。
蘋果日報慈善基金已安排將讀者送出的一部電視機轉贈阿娟，至於雪櫃及煮食爐則仍未有着落。
捐款編號：C1998
暖流熱線
電話：29908688
傳真：23702192
電郵：[email protected]
網址： http://www.charity.atnext.com