今日好得閒，早上九時去行「天遊峰」，國內多塞車，塞人都好常見，好似上「天遊峰」時，條人龍就長到不得了，有啲外省遊客仲推推撞撞玩打尖，條路咁險，唔碌落山都算好彩。
中午就去咗「九曲溪」玩竹筏洞舟，跟住返房瞓覺。全日無車揸，行行企企，據主辦單位講，多日以來，大家每日都揸咗十幾個鐘頭車，所以今日休息，唞唞咁話。事實上，由香港到廈門，佢哋每日平均揸12個鐘車，條腰都幾痠㗎，作為乘客嘅我，只可以在旁鼓勵佢哋。今日休息日，我獨自去試吓地道廈門菜，嘩！一連幾味都係茶葉炒餸，雞、蝦和肉類都用茶葉炒，係有少少怪，但味道都唔錯。搞咗成日，對腳同腰骨都有少少痛，最好去按摩，噚晚嗰位小姐十點半就電話入房，問我要唔要按摩，諗起都心思思，好，今晚一於問吓佢係咪正宗按摩先。
Dennis廈門直擊