官恩娜、衞蘭、林苑同陳苑淇等噚日喺海洋公園參加PacinoWan2006春夏時裝表演，擔任模特兒行catwalk，相信最引人注目都係一班樂壇女新人罕有地穿上維多利亞宮廷超性感晚裝亮相，簡直令現場氣溫急升。
着上超低胸宮廷晚裝嘅官恩娜憑住迫爆上圍成為焦點，輕易喺活動上搶晒風頭，問佢係咪刻意谷胸營造迫爆效果，佢話：「係件衫嘅cutting好啫，唔使特登谷，睇落都好似豐滿啲。」
至於首次行catwalk嘅衞蘭睇起嚟仲有啲babyfat，好在甜美嘅笑容同生鬼佻皮嘅表情搭夠，佢話：「我會繼續努力減肥，手臂位係我最想減嘅。」
