如果你身邊的好友係汽車發燒友，佢生日唔知買乜畀佢好，而一般汽車精品做禮物，你又睇唔上眼的話，不如支持番香港的原創工業，睇吓筆者今趟特地從AutoArt找來的最新汽車精品，用來做禮物，又會否合你朋友心意！所謂物輕情意重，勝在呢批精品夠別出心裁，真係自用或送畀人都合適㗎！
記者、攝影：陳偉林
掛牆式LCD賽車軚環鐘
售價：$580
掛牆鐘的賣點，在於用世界一級方程式賽車嘅電子式軚環包裝，幾乎係所有車迷都會喜歡的設計，佢有LCD屏幕時計，又有室內相對濕度，以及攝氏同華氏的溫度顯示，送畀鍾意車的朋友真係至正不過。
懸浮式跑車制動碟杯墊
售價：$240（一套6件）
球迷喜歡一邊睇足球比賽，一邊摸住酒杯底，車迷亦一樣，鍾意摸住酒杯底睇賽車轉播的過程，咁呢套以跑車制動碟為圖案的杯墊，就至啱你心意，加上金屬表面的閃鏡處理，用起上來好有質感！
座枱式制動碟時計連筆座
售價：$350
呢個座枱鐘以懸浮式跑車制動碟做包裝，外觀十足一百分，難得個設計師咁有心思，好似真車一樣響制動碟上方，以吸震筒的模樣設計出原子筆座，至啱擺放在書枱上用來睇住時間同備用。
跑車輪圈連制動碟匙扣
售價：$40（一個）
一般匙扣的設計都好呆板無新意，但呢套多款式跑車輪圈匙扣就好唔同，皆因每個輪圈花款不同之餘，仲有像真道極高的軟膠輪胎做配襯，難得輪圈內有可以轉動的跑車制動碟組合，相信好啱車迷做收藏。
吸震筒式LED燈匙扣
售價：$55（一支）
身為車主的你，有否試過摸黑搵自己部車同開車門的經歷呢！唔想再一次遇到摸黑的情況，咁不如買番支備有LED燈的匙扣，佢個包裝用上一支吸震筒的設計，夠特色之餘仲好實用。
