同行如敵國，許志安與梁漢文（Edmond）老友鬼鬼，在歌唱路途上遭遇各異，安仔攀過高峯，惜現身處半山腳下；Edmond事業從未到頂，雖偶有hit歌，但往往過後未能承接。二人同樣在過去一年多沒有出碟，沉寂一段時間後，近日伺機出擊，相繼於五月及七月推出新碟。安仔與Edmond各有宣傳之法，如當作一場比賽，未知誰會跑出？ 撰文：丁寧
許志安與梁漢文兩位予人感覺差不多的歌手，多年來老友鬼鬼，二人在演藝旅途上各有起跌，安仔自得過無綫最受歡迎男歌星獎後，瞬即由事業高峯下滑，去年與正東唱片約滿，今年正式加盟東亞唱片；而Edmond多年前離開華星轉投黃柏高旗下，現時是金牌唱片歌手，前年憑《七友》一曲大受歡迎，惜無以為繼，沉寂了一年。
命運迥異的安仔和Edmond卻正好同隔一年多沒有出新碟，Edmond預計在五月出碟，安仔則大約在七月推出廣東加國語唱片，各有各做宣傳大力催谷。
十人創作
Edmond新歌《羅曼蒂克》早前已派上台，他說：「呢隻係好梁漢文式嘅情歌，而第二隻派台歌就會畀大家好大驚喜，係一種我好少嘗試嘅類型，會類似歌劇形式咁。」而這首歌由Edmond與楊千嬅合唱。
提到預計五月中推出的大碟，Edmond顯得信心十足，他說：「今次我同十個幕前幕後音樂人合作，每首歌都係我同佢哋一齊作，有陳奕迅、謝霆鋒、at17、蔡德才、EricKwok等等，仲有一首係雷頌德作畀我嘅。𠵱家張碟搞得七七八八，仲爭兩首歌未搞掂，封套都係林海峰搞。我都差唔多要宣傳新碟㗎，會一直忙到七月，希望到時可以安排到時間飛去德國睇世界盃決賽啦。」
眾所周知，Edmond從小愛踢足球，曾是香港足球青年軍成員，適逢今年世界盃，有關活動都找他助陣，如adidas及加州紅卡拉OK等都有世界盃相關活動找他擔任代言人，Edmond變相增加不少宣傳和曝光的機會。
不少歌手都避過世界盃時段出碟，但Edmond反可趁此宣傳壯聲威，到時可能鋪天蓋地都是其蹤影。唱片花心思，宣傳有助力，Edmond對今次唱片甚有信心，他說：「我花咗年幾時間嚟做，花咗好多心機，期望都好大㗎，希望大家睇到我嘅心機，認同我嘅音樂同努力啦。」
錄歌認真
另一邊廂，蟄伏一年的安仔也開始蠢蠢欲動，其新碟預計在七月推出，廣東碟內加兩首國語歌，他說：「𠵱家仲喺揀歌、做歌同錄音階段，我知大家會好期待我喺新公司嘅頭炮歌，其實我已揀咗幾十首，錄都錄咗好多次，我今次錄歌比以前任何一次要求都高，經常錄完再錄，希望錄到最好為止。」安仔的頭炮歌曲，就是為月底上映、由韓星全度妍主演的愛情片《你是我的命運》獻唱港版主題曲《你是我的銀河》，該曲與一貫的安仔情歌風格迥異，悲傷得來不再呼天搶地。
努力減肥
安仔出碟前會先拍無綫劇集《肥田囍事》，與胡杏兒合作，不少歌手都愛拍劇以求增加人氣，安仔今次也不例外。此外，他亦會擔任劉家昌演唱會表演嘉賓，及與組合Soler一同演出七月十三日開始、商台在九展舉行的「拉闊十周年潮玩Crossover音樂會」，安仔說：「我𠵱家搏命減肥，之前戒咗煙，個人肥咗少少，加上農曆年開始狂食，結果由144磅肥到變174磅，腹肌都冇埋，我要狂做運動同戒肥膩嘢，操番fit先出嚟宣傳見人。」
協力：藍文浩、李珮洳、駱華齡
攝影：藍文浩（梁漢文）
