香港學校嘅性教育一向俾人批評做得好差，學生又多唔關心社會。學友社就幫學生平反，主動邀請全港學校參加研究，題目包括同性戀、南亞裔人士等，結果有成二十一間學校參加，收番二十二份作品，學友社仲將其中八名中學生嘅研究結果結集出書，名叫《一群中學生對弱勢社群的研究所得》，四月底寄畀全港中學。
呢班學生雖然好努力，但係性權會主席邵國華聽到佢哋一番話就有啲失望，事緣班學生仔噚日喺作品發布會上話，報紙愈厚就愈偏頗，親中報紙就對性方面比較保守。邵主席認為呢啲見解先至偏頗，希望啲學生第日做研究要深入啲。
傳真︰2623-9278
電郵︰[email protected]