世界盃嘅戰鼓已經響起，AV場內好多人都「買」重韓國！$2,000唔使就買到部160GB硬碟/燒DVD錄影機，係韓國代表HYUNDAI首個打破大家買機心理防線，緊接係好多大牌子機亦水銀瀉地紛紛落價！電視台雖然未有數碼廣播，不過大家可以搶先丟晒啲舊VHS帶，轉行靚畫數碼錄波！HDD/DVD錄影機，好波！
記者：朱崇德
攝影：陳偉強
ImageGirl：Hidi
4年一度世界盃，AV場內最當賣一定係錄影機，咪睇世界盃6月9號先到！西菜電器街Sales話就算未落價，個多月嚟HDD/DVD錄影機銷量，已經勁升3、4倍，冇計啦！半退役嘅VHS錄影機都仲做緊$600-$800一部，畀多少少錢又有硬碟、又可燒落碟，唔使教大家點揀啦！
160GB最低下試$1,990
160GB係𠵱家場內最到價嘅硬碟/燒DVD錄影機，講容量，VCD級畫質差不多可以齋錄200小時，一般家庭嚟講已相當夠用；至於價錢方面，普遍市價係日本機要$4,000開外，其他中國及韓國品牌就為起$3,000餘元，不過今次HYUNDAI嘅TBH-962C，係首部160GB下試$1,990最低位！
其實硬碟/燒DVD錄影機是屬於一種較新的AV產品，過熱及Hang機等問題好多機都頗嚴重，據場內Sales表示韓國HYUNDAI在這方面較少問題，雖然價錢平，都叫人買得有信心；TBH-962C還加入了真．麗音錄影功能，簡單講即係當大家錄世界盃時，可以利用兩聲道功能，同時收錄現場英語講評同香港林尚義嘅旁述！另外TBH-962C還加入了DVD+R/RW及DVD-R/RW的兼容燒錄功能，睇落好似好少嘢，據知好多客成日唔小心買錯+、-制式DVD燒錄式光碟，生產商於是把心一橫對應晒兩種碟嘅燒錄功能，真係相當User-friendly。
HYUNDAITBH-962C
PROFILE：160GB、麗音、i.Link、視頻、S-Video、色差、同軸、光纖、5.1音效輸出
黑魂機身勁谷1080i
在芸芸銀機叢中，黑色機身的GRUNDIGGDDR-8160HD特別搶眼，機身一樣配備有160GB硬碟機，除一般的HQ、SP、SP+、LP、EP五種錄影模式外，仲特設有一種SLP模式，能將原本一隻4.7GB容量的DVD光碟，由原本最長的6小時錄影時間，延長至8小時！至於160GB硬碟，更可加長錄影時間至240小時。
GDDR-8160HD還特別加入1080i的倍線功能，可以將原本一隻480p的普通DVD電影，增強畫質至1080i作輸出，加上機身配備有HDMI數碼影像輸出插口，駁LCDTV作影像輸出就更靚，而且在硬碟/燒DVD錄影機中，亦是它獨玩此功能！另外，同型號還有一隻250GB版本──GDDR-8250HD，價錢由$3,680下調至$2,599，對於高容量用戶可能更加抵玩！
GRUNDIGGDDR-8160HD
PROFILE：160GB、i.Link、IEEE1394、HDMI、視頻、S-Video、色差、同軸、光纖、
靚料TVTuner錄得份外靚！
國產EURONDVR-5016HDD，亦都係場內熱賣機種！論AV影音資歷，佢雖未必及HYUNDAI及GRUNDIG等韓、德大品牌，所以唯一出路就係落重料，據場內人介紹，佢個TVTuner喺芸芸機種中最靚料，正是接收電視靚啲、錄都錄得靚啲！160GB版本最近稍稍跟「落」！$2,150已經係暫時底線位，另外亦有一隻250GB版本，機價由$3,380下調至$2,480，差價三百零蚊，感覺「大激數」抵玩啲喎！
EURONDVR-5016HDD
PROFILE：160GB、IEEE1394、麗音、視頻、S-Video、色差、同軸、光纖、5.1音效輸出
內置插卡槽睇相兼播MP3
國產步步高，在DVD機年代已是老品牌，在今次世界盃減價戰中，可算是陪跑落價一族。
呢部BBK9928特別之處，係機身內置有160GB硬碟及作DVD光碟錄影外，佢在機身前面板還加入了SM、MS、SD、MMC、CF五合一讀卡槽，可以直接作JPEG相片及MP3音樂播放，對於喜歡玩數碼相機及多媒體功能的玩家，亦可算是一個另類的選擇。
BBKBBK9928
PROFILE：160GB、IEEE1394、i.Link、麗音、視頻、S-Video、色差、同軸、光纖、5.1音效輸出
獨玩燒碟真麗音
買機係一種好主觀嘅選擇！在今次介紹的芸芸硬碟/燒DVD錄影機中，最令筆者注目者，可算是這部250GB的HYUNDAITBH-7312；韓國大牌子，質量已有一定保證，最特別是它的麗音功能，除咗佢係雙聲道錄晒嘅真．麗音外，將影像錄為DVD光碟後，佢一樣可以放落普通DVD機中作麗音播放！
大家咪以為冇乜稀奇！其他機的所謂「真．麗音」都只可以原機作播放，所以部硬碟/燒DVD錄影機有乜冬瓜豆腐，就從此成為「絕唱」！至於TBH-7312則是現時獨玩「燒碟」麗音、和普通DVD機兼容播放功能，玩得放心好多！
HYUNDAITBH-7312
PROFILE：250GB、IEEE1394、i.Link、麗音、視頻、S-Video、色差、同軸、光纖、5.1音效輸出
同場加映：齋燒碟！平玩精選
$880最平DVD錄影機
平平哋玩吓，其實齋DVD燒碟式錄影機較經濟實惠，TBH-1200係HYUNDAI首部響朵之作，除有DVD-R/RW作電視錄影外，機身仲配置有逐行掃描影像輸出同5.1音效輸出，當埋做影院組合都得，機價亦是同類機中最平，機價$880！Budget有限者首選！
HYUNDAITBH-1200
PROFILE：i.Link、麗音、視頻、S-Video、色差、同軸、光纖、5.1音效輸出
最Mini尺寸DVD錄影機
同樣是韓國品牌嘅JNC，亦有一部SSR-5001玩平賣，機身功能同TBH-1200差唔多，不過機身就較細較薄，感覺就好似一部MiniSize嘅DVD機，不過唯一可惜是並未內置麗音功能，否則操作會更完備。
JNCSSR-5001
PROFILE：i.Link、視頻、S-Video、色差、同軸、光纖、5.1音效輸出
（a）中原電器（27707608）地址：旺角西洋菜南街1A號地下
（b）CYESHOP（26283628）地址：旺角西洋菜南街36號地下