劉心悠（Annie）和黃婉伶（Race）前晚在旺角行人專用區宣傳電影《黑夜》，向途人派復活蛋，吸引大批男士圍觀，短短六分鐘便將復活蛋派光。Race爆Annie對砵蘭街的黃色招牌十分好奇，Race竟整蠱她指那些是餐廳的餐牌價錢，幸好Annie沒有被騙。
劉心悠及黃婉伶前晚在旺角行人專用區宣傳新片《黑夜》，吸引近百名市民圍觀，場面墟冚。電影公司安排了數名保安維持秩序，故場面不算太混亂，之後兩女返回保母車接受傳媒訪問，仍有不少途人圍着保母車不肯離開。
險被欺騙
Annie透露這是她首次在旺角宣傳，在旁的Race笑指對方前往旺角途中，對黃色招牌十分好奇，她笑說：「佢經過砵蘭街，見到啲有價錢招牌，猛問係啲乜嘢嚟，我就呃佢話係餐廳餐牌價錢，係香港特色，不過佢唔信。」Annie事後笑說：「我聽過砵蘭街係乜嘢地方，因為睇戲都有睇過，我想搵個朝早嚟參觀，不過電影公司怕危險，唔畀。」
提到Race早前大爆有男歌星同一時間追兩名女藝人，有傳此人是吳浩康，Race解釋說：「我唔係話佢追過我，啲嫌疑人物只係記者自己估。」
單拖宣傳
此外，Race昨日撇下家姐Rosanne到小西灣出席活動，記者笑言她們拆夥，Race說：「雖然係第一次一個人出席活動，但唔係拆夥囉！兩個人一齊唱好啲，好難獨立發展。」她們兩姊妹感情要好，連拍拖也會一起，她說：「我哋會一齊出去㗎！咁咪好囉！買一送一，啲男仔慣咗。」
採訪：藍文浩、王連連 攝影：陳志嵐
