經過漫長的60年，大部份東西都會被人忘懷，無論人、物、事，統統都被時間刪掉，不過世界上有一樣東西大家都唔應該忘記，就係「童真」！《小王子》的出現就帶畀成年人一股清泉，藉着他誕生60周年，我哋重尋一點俗世童真！
記者：羅灝汶
攝影：譚盈傑、羅灝汶
潮女揀最愛
千嬅出晒名係娛樂圈中最冧小王子嘅藝人：「我覺得自己性格一向好似小王子，都係性格開朗、自主獨立。今次《小王子》嘅展品，我屋企都差不多有齊，當中最鍾意就係呢一件小王子Tee。另外我最想得到嘅小王子產品，其實放喺日本箱根嘅「星之王子」（日本譯名）博物館嘅小王子陀錶，真係好靚㗎！而我自己最想出嘅產品係小王子音樂耳筒，聽歌又得襯衫又得。」
Stephy：「我自己係一個《小王子》年資好淺嘅Fans，絕對唔瘋狂，甚至擁有嘅產品非常少，不過我就好欣賞故事入面嘅每一個人物。故事有寓意，構圖亦好有特色，最鍾意係人物顏色好鮮艷。我好想有一個小王子嘅月曆，不過好少見到有得賣。」
一比一飛機最搶
多年前已經看畢《小王子》，當中印象最深就是小王子講道：「有一天，我看了四十三次落日！」之後小王子再補充了一句：「你知道……當一個人很憂鬱的時候，他會喜歡落日的。」從此我就深深愛上呢位「憂鬱小生」，全屋只有一本《小王子》中文版小說的我，今次終於可以一圓小王子夢，一次過盡覽小王子珍藏品。展覽焦點係一比一小王子復刻螺旋槳飛機模型，更會展出來自世界各地的珍貴小王子精品、包括作者李昂．韋伯特的真迹、遺物、《小王子》遊歷記及精采插圖等。
展品我最冧
閱讀率僅次《聖經》
創下閱讀率僅次於《聖經》紀錄的《小王子》，故事講述一位飛機師因飛機失事而流落沙漠，突然遇上來自B-612星球的小王子，從此重拾成年人對童真的感覺，而小王子來到地球的經歷亦令他找到追求的東西。作者李昂．韋伯特於1943年完成《小王子》故事，1946年於法國出版；不過他在完成《小王子》的一年後，竟於1944年執行一次飛行任務途中被擊落，從此音訊全無。
《小王子》60周年紀念
展覽日期：即日至4月17日3:00pm-3:45pm
地點：新都會廣場三樓天晶館