生活總會遇上一些事，讓你叫一聲：「×！」，×有時是"Yes"有時是"No"，更多時是不方便出街的單字。
從日內瓦回來，對着堆積如山的工作，躁火上升。升溫的夜晚，我看到「電影金像獎」由周杰倫獲得新人獎，忍不住「×」了一聲：「No！港產片果然會玩完。」上一回喊「×」，是出Trip前看到香港BapeStore開店的那條長龍。
明明是可笑，不過換個角度看可以變做好笑。我發覺近一年自己「X」（笑）得最多，是好一些香港廣告。經典如下：
一）顏福偉「白花油盒打羽毛球」
繼「我跟Steven是好朋友，我相信他」，想重溫，點知網上未有，網友應該做嘢啦。反而在youtube.com搵到主題曲《夢想有你》MV，今次改用羽毛球做Pick掃結他，跟手剪接個肥仔擦白花油，正！
二）吳唱K「賣飛佛」
唔記得佢賣邊間電器舖囉，淨係記得佢賣「飛佛」。
三）「租霸」騎馬機
繼骨場廣告潮、瘦身廣告潮後，最新廣告潮流係「按摩椅+金腰帶+騎馬機」。想實地觀察可以去Sogo十樓！
四）玉嬌龍「亞洲美麗」
一出場，紅鬚綠眼的金髮美人部Dup晒頭，黯然無光，玉嬌龍就發晒光，我起初以為係燈膽廣告。
五）Sogo外牆「細哨×剔牌」廣告
條Slogan話：「從不為獎，只求踢得漂亮。」同政府廣告話「讀書不是求分數」一樣咁經典。踢波唔係想贏波，你去世界盃做乜？
