一向慳家嘅楊思琦最近榮升業主，有雜誌話佢因為要供樓，所以迫住行性感接泳衣騷，又話佢男友李永豪大男人兼游手好閒，思琦噚日喺電視城回應間屋係佢同屋企人買嘅，佢媽咪唔想佢供得辛苦，所以諗緊可能會放租，思琦又力撐同男友相處愉快，佢話：「希望大家唔好誤會佢，佢𠵱家都拍緊幾套劇，好畀心機做嘢。」