李彩華早前到泰國拍攝電影，被人拍到與拍檔鄭伊健在泳池游泳，報道指她誘惑對方。李彩華前晚錄影《勁歌金曲》時表示當時不敢偷望小伊健，問她可有被伊健吸引，她笑說：「佢做得我Daddy啦！」
李彩華（Rain）、周麗淇（Niki）、組合Soler與鄭中基前晚在將軍澳電視廣播城錄影《勁歌金曲》，Rain穿上露腰裝落力獻唱，可惜觀眾只將焦點放在她的衣裝上。提到有雜誌拍得她早前與鄭伊健在泰國游泳的照片，她講述當時情況：「我哋唔係約埋，係喺泳池撞見，林珊珊都喺度，但我哋唔覺有人影相，可能啲泳客俾人收買。」
Rain表示與伊健合拍《九龍冰室》時已相熟，問她可有被伊健吸引，Rain說：「佢做得我Daddy啦，我哋成日互寸，講笑啫，不過我覺得個報道好好笑，我哋都冇撇甩舒淇。」問她可感到伊健身形很弗？Rain說：「弗，好少男人身形咁弗。」那可有偷望小伊健？Rain說：「唔敢望，佢都唔敢望我。」
大孖甩嘴
伊健好友Niki則笑指伊健好艷福，問她可有相約伊健游泳，她說：「叫佢游水？彈開啦，我只會約佢潛水。」
另外，鄭中基新歌《三生有幸》成為冠軍歌，而Soler獻唱Beyond的《光輝歲月》時，大孖Julio說：「唱《光輝歲月》要好有heart，我哋由細聽Beyond大，好尊重家駒精神。」誰知Julio唱至中段甩嘴，幸好觀眾歡呼不減。
採訪：王崇穎 攝影：陳順禎
