【本報訊】特首曾蔭權刻意與民建聯建立核心夥伴關係，同時另有舉措安撫愛國愛港陣營另一大黨自由黨。自由黨主席田北俊昨稱，自去年十月，曾蔭權幾乎每月至少與他會面一次。田認為能否與政府建立密切關係，須視乎管治理念是否相同，揚言政府理念明顯與該黨更親。
田北俊昨與傳媒茶敍時多番強調，該黨理念與政府相近。他說：「政府主要官員生活方式，亦與自由黨接近啲」，強調該黨一直與政府建立長線關係，未怕民建聯獲曾蔭權青睞後會威脅該黨地位。他聲言：「（曾蔭權）個個月搵我傾一次偈；我亦唔覺（曾）會就晒佢哋。」
為周梁淑怡說項
被問及會否要求選舉期間曾蔭權為該黨「站台」，田北俊直指：「我諗佢會公道嘅；如果佢民望高，個個都想佢（站台）。」問及若由民望低的局長代表撐場，田直指「咁就多得佢唔少。」田又透露，據知北京欲與該黨「重新開始」建立友好關係，但未有透露詳情。田北俊昨亦為周梁淑怡投票反對政府法案解畫，指他當日未有提醒她行會不設豁免權是其疏忽，坦言「多謝政府從寬，最緊要係條法例過咗，過唔到佢（曾蔭權）會好㷫。」