名模Rosemary、陳嘉容、黃佩霞和劉心悠等，昨日在銅鑼灣出席眼鏡店開幕活動。嫌天氣悶熱的Rosemary穿上透視裝透黑色胸圍，神秘性感，她直言性感打扮只限出席活動，不敢在鬧市招搖逛街。
藝人劉心悠、羅仲謙、模特兒Rosemary、陳嘉容、陳沛嘉和黃佩霞等，昨日在銅鑼灣出席眼鏡店開幕活動。
近日熱浪迫人，昨日雖轉涼，眾女仍以清涼打扮示人，黃佩霞低胸露腰、陳思慧露背等，Rosemary的藍色透視裝最搶眼，透出黑色胸圍。
遮醜有妙法
Rosemary說：「我啱啱喺北京返香港，所以覺得好熱，咁着可以清熱嘛！我唔介意咁着，不過我都唔敢着成咁喺銅鑼灣行街，會有好多人眼望望，走嘅時候我會換衫，嚟呢度我都係坐的士㗎。」
眾人到場後都專注地挑選眼鏡，陳沛嘉選戴白色太陽眼鏡，她說：「我鍾意戴眼鏡都九年啦，當時入行做模特兒好驚冇化妝唔見得人，𠵱家自信多咗，已經唔再驚。我對衫、褲、眼鏡，內同外眼鏡（指胸圍）都鍾意誇張嘅款式，用乜嘢款式係可以反映出一個人嘅性格。」
問陳沛嘉會否為討好男友在配襯胸圍方面刻意投其所好？她說：「唔會，𠱁男朋友開心有好多種方法，呢樣係最後絕招，有冇機會用都未知。」
採訪：IngridChan
攝影：ChanChiLam
