田少今日啟程去日本賞櫻花，過一個富有日本風情嘅復活節假，下個禮拜一先返香港再衝刺。呢一個旅程，田少當然繼續孖住靚太太同行，仲會有埋另外幾pair人一齊去，一定玩得好開心。
咁俾佢錫到燶嘅外孫仔又一唔一齊呢？對唔住喇，今次預唔到佢，點解？因為外孫仔今日都要跟住爹哋媽咪出門去新加坡，咁又點同到外公一齊威威呢？
原來今次係佢外孫仔出生以嚟，第一次坐飛機，都好有紀念價值。田少冇得同外孫仔一齊過呢個歷史時刻，會唔會有啲可惜？
點知佢就笑笑口話仲好，事關佢好怕同啲BB一齊搭飛機，因為一個BB喊，其他BB會個個跟住喊，咁嗰程機呢，就真係一啲休息時間都冇晒喇。外孫仔如果聽到外公咁講，唔知會唔會乖啲唔喊咁多呢？
傳真︰2623-9278
電郵︰[email protected]