呢排各大小公司相繼出年報，又係大家有得八吓人哋幾銀人工嘅時候！今日同大家講嘅係六叔同六嬸檔TVB，真係唔睇唔知，原來喺將軍澳工業村、同八方兩街之隔嘅電視城，今年剛剛締造咗一個年薪過千三萬嘅打工皇帝/皇后，真係失覺晒！咁呢位打工仔係邊個大家都唔知（因為無講明），但八方就買重係六嬸頭號愛將、TVB大內總管史提芬．陳志雲，點解估佢？乜仲有第二個比佢更似咩？
咁其他老細收幾銀呢？最高領導六叔同舊年一樣收90萬，但六嬸就唔知點解由73.7萬減到25.9萬，而六嬸一手搵返嚟嘅梁乃鵬同咩都有份睇啲嘅費道宜，兩人都年薪過400萬，而前權力核心何定鈞就只得175.5萬……果真係金枝慾孽！
傳真︰2623-9278
電郵︰[email protected]