上星期本港新聞報道，有兩名男子在網絡上假扮成女性，以結伴學結他為名欺騙300位男士共200萬，可見「女生」這個身份在網上有多渴市。無可否認，男生玩ICQ、MSN、OnlineGame其中一大目的就係結識異性，講得衰啲，咪又係媾女?!不過呢個世界男女平等，女性都可以主動出擊搵sexpartner，甚至更冷酷無情亦大有人在。感情豐富的你可能覺得奇怪，點解可以一見面就做，睇過Christy的真實個案，或許你會更明白，性可以是洩慾，也可以沒愛。
記者：黃若茵
攝影：陳偉強、周旭文
角色扮演：Irene、Pakho
我覺得上網搵sexpartner嘅人都唔會有感情，搵唔搵對方都無所謂，其實佢哋只不過係enjoy做愛嘅過程啫！
唔叫對唔住自己
Christy今年24歲，白天的工作壓力令她晚上沉迷於onlinegame，一年前遇上29歲的台灣人Michael，邊打機邊談天。
「老實講，玩onlinegame都係為咗識朋友傾偈啫。」
起初他們只談遊戲攻略，慢慢變成聊天的朋友，直至去年7月，Michael跟朋友一起到香港旅遊，而這個遊港旅程更令Christy與Michael之間的慾火急速上升。
2晚做5次
用過晚膳，Michael叫同行的朋友去玩，而他則邀請Christy進行他們的第一次。整個周末就在酒店翻雲覆雨，2個晚上做了5次愛，高潮的一刻讓Christy對Michael的愛增添了幾分。Christy的朋友都說她儍了，見面不到12小時就奉獻了玉身。但性經驗豐富的Michael確實讓Christy每次都高潮迭起，到了半夜，Michael的友人跟他們睡在同一間房，但還是忍不住要到浴室繼續韻事，Christy也不理會別人是否聽見，只隨心所欲大吼大叫。
「諗番起的確有啲尷尬，但當時嘅感覺實在太high，唔叫出嚟又點對得住自己!?」
搞完送禮 當我係雞呀?!
見第一面便以肉體交接，任誰去想像，也很難相信激情的背後有愛……
「我哋喺網上傾偈，對對方已有一定認識。佢第一日到香港，我哋約咗喺尖沙嘴等，嗰晚成條街都係人，但我一眼就認出邊個係佢。」
這種情節還以為只有在電影裏出現，聽起來也頗浪漫。那一晚在床上短兵相接的高潮，令「我愛你」3個字經常掛在Chirsty口邊。第二天他們到尖沙嘴shopping，Michael主動提出要送禮物給Christy。
「咩話？當我係雞呀？搞完第二日話要送禮物！」
誰不知，Michael口中所指的禮物竟然是一顆女人夢寐以求的鑽石戒指，那一刻，Christy感到愕然，也很感動。但兩秒後Christy已清醒過來。
「鑽戒我一生人只想收一次，就係結婚嗰次。」
曾經感動至於愛……
她婉拒了Michael的美意，但他還是買了一隻5千多元的白金戒指給她。作為一個女子，收到戒指總不會無所動容，Christy真的很開心，訪問期間談到這段回憶，臉上也露出絲絲微笑。經過3日2夜的「奇妙」旅程，Michael終要離開，但Christy最捨不得的竟是兩晚的高潮，這才發現，原來「我愛你」只是性滿足帶來的錯覺。
多次求婚 統統謝絕
「做愛根本就係你情我願，感情上或者可以欺騙對方，但做愛嘅嘢牛唔飲水又點㩒得牛頭低，無得話邊個呃邊個。」
Christy一臉正氣說出這番話。的確，性這回事從沒對錯，大家都已是成年人，很清楚知道自己在做甚麼。但雙方的父母知道對方的存在時，都認為自己的仔女被騙。Michael的媽媽覺得Christy想騙他的錢，而Christy的爸爸及姐姐就說Michael騙她的感情，也嫌他的時辰八字不吉利云云。Christy對這些意見只感無聊，也不加理會，Michael回台灣後，他們如常ICQ、玩Onlinegame，Michael更多次向Christy求婚，她統統謝絕了。
與「情敵」分享性經
有一次，Christy無意中在onlinegame遇到Michael另一位sexpartner，兩位女士竟毫不介意，還大讚Michael的性經驗。Christy：
「其實好正常啫，佢同我做，亦都可以同其他人做，雖然佢曾向我求婚，我亦曾以為佢係真心。講真，見到面又情到濃時咪做囉，嗰一下開心至緊要。佢呃我話無第二個都無所謂，我有第二個都唔會話佢知啦，使乜同佢交代啫!?」
懷念佢床上英姿
分別5個月後，Michael計劃第二次來香港，他問Chirsty會否陪他，Christy一口答應。
「反正我都幾懷念佢喺床上嘅英姿，哈哈！」
Christy笑着說。這3日2夜的聖誕節假期他們一如以往做個不停，一日3次，聽見已感到吃不消。但是，這次Christy很失望，她最期待的高潮竟然消失得無影無蹤，高潮不再令她對做愛興趣大減。但每當Michael要求再來一次時，她還是不會拒絕，因為她也需要從做愛中取得快感、滿足感。
不愛人 卻慾火焚身
聖誕節後Michael回到台灣，Christy如常過着朝9晚11的忙碌工作，漸漸她對Michael感到煩厭。
「佢一日起碼打3次長途電話嚟，有時做緊嘢根本就唔想同佢傾，叫佢收線又唔高興，仲問我係咪有第二個。就算大家有性關係，都唔使咁認真，我真係有第二個都唔關佢事啦！」
雖然手上還戴着Michael送的戒指，但不能否認，Christy對他的感情已愈來愈淡。當她聽見Michael說要再來香港找她時，她心中暗暗叫苦：
「平日已經多嘢做，佢嚟我又要特登請假陪佢，夜晚又要搞到鬼咁攰，好似例行公事咁，唔做唔得，真係好煩。」
話雖如此，Christy也直認不諱縱使要陪他有多煩，但見面時依然有衝動做愛，她自己也不明白為何明明不愛這人，慾火卻又可一撻即着。
「我平日工作太忙，壓力大，休息時間又要照顧屋企人，同佢做愛後我會覺得個人輕鬆啲，性愛得嚟嘅滿足令我無咁緊張，可能係一種洩慾嘅渠道啦。」
原來，只是洩慾……請問，誰騙誰？
護苗基金社工
黃婉明：性 非一時刺激
「喺網上結交sexpartner嘅現象喺香港尚未有調查研究，因此未知呢個現象係咪普遍，但確實反映咗現代人較以前開放同隨便嘅性態度。護苗基金都曾接觸過到網上交友，結果被對方拍攝裸照嘅個案，當事人事後都感到好後悔，承受好大壓力。我哋應該教導青少年正確嘅性觀念，等佢哋明白性行為並非尋求一時嘅刺激。」
香港性教育促進會
黎定基：最終會分手收場
「對於Christy嘅個案，佢𠵱家處於難捨難離嘅矛盾點。當佢冷靜落嚟時會感到為應付Micheal而煩厭，想同佢斬斷關係，但又已經有性關係嘅存在。其實對於女性嚟講，跟一個男人發生性關係後，呢個男人好容易會成為佢嘅肉體寄託，令佢有啲唔捨得嘅感覺。呢種casualsex嘅關係通常好難維持，Christy最終都會同Micheal斷絕來往。」
