偷森美轉述陶傑妙論：衞生巾同茄喱啡都是楔楔吓，分別在前者總有天會紅。誘發我想到男與女都是人，分別是後者總有天不紅。歷經璀璨到摧殘，難怪女人都比男人難纏。係又點呀！36.24，這裏的主角擺明是當紅女性。
人類和禽獸的分別，是人類可以把親朋戚友關係分得清楚，禽獸則只懂分別異性同性，沒有甚麼姨仔、叔仔、大舅的親屬概念，只要是異性便可交配。人，有時也會失去理性，為求一己之慾，嚴重的，直系親屬也不放過，人面獸心弄得倫常慘劇收場；亦有人受陳年色情電影影響，對姨仔這名詞產生無限性幻想，精神自瀆甚至做出獸行。阿詩與阿鈴，由姊妹情深到互相猜度，再由懷疑對方回到互相扶持，弄得滿身爪痕的人及時逃出獸穴，慶幸是還未鑄成大錯。
記者：馬慶武 攝影：何家亮
姨仔面前做愛
「嗌大聲啲呀！唔舒服咩？」並非一般虐妻劇情，當裝修工人的阿詩丈夫阿明，做愛時要阿詩嗌到坼天，目的是要睡在隔壁板間房的阿詩妹妹阿鈴聽到他們的淫聲浪語。更離譜，是阿明曾經迫阿詩和他在家中客廳做愛，女的張開雙腿坦蕩蕩，男的劍拔弩張毫無保留，目的同樣是希望阿鈴看到。一句「你都望到啦，一齊過嚟搞啦！」實在有如禽獸的咆哮，令裸體的阿詩難堪尷尬、同住的阿鈴憤怒。當然阿鈴沒走進這種荒唐的畫面裏，但默不作聲卻換來升級行動。趁兩人獨處時從後出手撫摸阿鈴胸部，更曾用身體壓着坐在梳化的阿鈴，隔着衣服用下體摩擦阿鈴的身體。雖幸保住了貞操，卻保不了尊嚴。被姐夫侵犯當然痛苦，但最難堪是如何面對姐姐阿詩？
裝沖涼昅換衫
「當初我同阿明嘅感情都無咩問題，佢係粗魯啲，仲成日同同事返大陸玩，但家用都畀到足，算係顧家。」阿詩和阿明結婚4年，對阿明返大陸玩採取隻眼開隻眼閉態度。反之，當餐廳侍應的阿詩是個稱職家庭主婦，更是個稱職姐姐，義無反顧照顧於03年從大陸到港、沒工作沒經濟能力的妹妹。
「初嚟香港3個月，覺得佢哋都對我好好，畀錢我使仲成日帶我出街。」阿鈴輕搭阿詩的手感激地說着：「如果唔係家姐，我仲喺鄉下捱緊。」然噩夢已漸近，一切由偷窺開始：「有次沖緊涼時阿明大叫肚痛，咁我摟條毛巾俾佢如廁先，佢已經眼甘甘昅實我。之後連續幾次係只用布簾隔開房換衫，竟然被我發現阿明裝我。」怕事的她從此改在廁所更衣，一切又看似回復平常。
「你快啲搬走！」
矛盾，因為不想「恩將仇報」，現實一點，是怕失去依靠。當然，阿鈴亦不希望破壞姐姐的家庭。但一個炎熱下午，穿背心短褲在房中午睡的阿鈴，感覺到被人輕撫背部，「我好驚，唔敢出聲，繼續詐瞓。」她捱了數次掃背、數次不經意的攬腰搭膊後，終決定和阿詩坦白：「喺香港家姐係我最親嘅人，我唔同佢講同邊個講？」但阿詩的反應卻是：「我當時無諗過阿明會咁，我淨係識得鬧阿鈴『黐線！你姐夫嚟㗎！你係咪癲咗？你快啲搵嘢做搬出去㖭呀。』」雖然阿詩開始懷疑阿鈴想搶老公，但阿鈴找不到工作，始終沒法搬離這個家。
避姐夫匿廁所2小時
「其實我都好大責任！」阿詩的不信任令到阿鈴不敢再作聲，不作聲令阿明的行為更大膽。阿鈴說得眼紅紅：「之後我星期日下午都會自己出街蕩，盡量唔同姐夫獨處，但有一日家姐返咗工，阿明卻突然提早回家。當時我坐喺梳化睇電視，佢坐埋嚟搭住我膊頭，我即刻彈起身，但係佢拉低我，仲好大力壓住我膊頭，之後用隻手搓我個胸。」用盡全身氣力掙脫，阿鈴即衝入廁所自困2小時，直至姐姐回家。「你個衰妹唔知做咩匿喺廁所唔出嚟？」阿明惡人先告狀，估不到真可先下手為強，阿詩拉了阿鈴出來再次狂罵：「我同你講呀，你落咗嚟就唔好搞咁多嘢，如果唔係屋都無得你住！」
淫聲浪語性騷擾
人，總有藉口可以欺騙自己，尤其是女人更喜歡用這一套。「其實呢件事之後我都覺得阿明怪怪哋，夜晚同我做愛佢會特別叫得大聲，仲特登好大動作搞到張床『呃呃』聲，又撞得我好大力，撞到啪啪聲。」阿詩說因為知道阿鈴只睡在隔壁，做愛時也不敢發出呻吟：「點知阿明成日要我嗌，我唔嗌佢就大力揸我，總之整痛我都要我嗌。」阿鈴當然聽到鄰房激戰連場，這令兩姊妹心存更大芥蒂，見面時更尷尬。之後，阿明更開始性騷擾阿鈴，「佢趁家姐唔喺度就問我：『噚晚聽唔聽見？我係咪好勁？我都可以搞到你咁舒服㗎。』」
「你都出嚟一齊搞啦！」
聲，不夠，阿明要有聲有畫面地性騷擾阿鈴。向來在性方面對阿明百般遷就的阿詩，半推半就跟他在客廳幹起來。「其實嗰次我哋本來喺房裏面做，做做吓阿明將我成個抱起，抱出廳，我一路叫唔好，佢都無理我，咁其實我都做到幾High，心諗都無所謂啦，阿鈴咁夜應該瞓咗，咁就喺梳化度做。」阿詩話因為怕驚動房中的阿鈴而不敢大叫，但那次阿鈴卻因聽不到聲音而照常起床去廁所。「我一出去就見到姐夫同家姐喺度做，我即刻衝返入房，點知阿明竟然赤裸裸地抱住家姐喺我房門前做，仲離譜大叫：『阿鈴你睇吓你家姐幾爽，你都出嚟一齊搞啦！』」語出驚人，阿鈴不敢作聲，只聽到家姐大鬧：「你黐線㗎！講啲咁嘅嘢！」當時阿明淡淡然回應：「講吓笑啫！」
姐姐早歸救了妹妹
陰影令阿鈴不敢晚上上廁所，阿詩亦不肯再在廳中和阿明做愛。但紙包不住火，一晚阿詩負責的夜班找到替工提早回家，親睹阿明的身軀壓在阿鈴身上，而阿鈴則奮力反抗，兩面紅腫，是給阿明掌摑的！原來那晚阿明喝醉酒，趁阿詩開夜班，「志在必得」。大吵大鬧一場，阿詩拖着哭得死去活來的阿鈴奪門而出，到了朋友家過了一晚，慶幸及時阻止了一單強姦案。「嗰晚我哋大家都無瞓，我其實一早都有懷疑阿明真係想搞我個妹，但我只不過係唔敢接受，仲將責任推到阿鈴身上，但嗰晚我親睹事實，見到阿鈴喊成咁，我再無藉口……」阿詩當晚哭着，為丈夫的獸行而哭，更為內疚而哭。「對唔住……」阿詩哭着跟阿鈴道歉，兩姊妹相擁痛哭，因為痛，心最痛！
「我已經破壞咗姐姐個家庭。」
阿詩明白這件事的嚴重性，有帶過阿鈴到警署，但最後阿鈴拒絕報警。「我已經破壞咗家姐個家庭，我唔想家姐俾親戚笑。」事隔兩年，阿鈴到現在還在責備自己，阿詩輕搭阿鈴的膊頭，已經不再需要多餘的說話。沒有怪責，只有感激，阿詩說：「我只以為佢瞞住我去叫雞，分開住之後先知佢原來喺大陸包咗個二奶。全靠阿鈴，先俾我睇清呢隻禽獸真面目。」現在，35歲的阿詩替28歲的阿鈴找到一份酒樓工作，在新界區租住了一個小單位，阿詩亦正在辦離婚手續。35、28，兩姊妹就像找回兒時在鄉下的同居家庭生活，回到起點還未太錯還未太遲，再重新出發找尋幸福！
香港沒有通姦罪
葉謝鄧律師行鄧達明律師：「香港沒有通姦罪，如果有人想享齊人之福，喺雙方願意情況下，就算被捉姦在床，亦沒有犯刑事罪。只係妻子可以用這些證據成為離婚理由，申請離婚。另外好似呢個個案咁，男方同女方喺屋企客廳做愛，因為係私人地方，就算俾人見到，或者刻意想其他人見到都唔會犯法，除非佢哋喺公眾場所做，就可能被控在公眾地方行為不檢點。」
要保障自己
風雨蘭吳姑娘：「都見過好多類似個案，受害人都會覺得寄人籬下，又唔想被人話恩將仇報，所以容忍好耐。同時可能佢哋怕破壞親人的家庭，之後更會失去依靠而選擇啞忍到底。但其實受害人應該搵屋企人、親人或朋友商量，唔好因為家人唔信而放棄追究。如果情況嚴重，首要係保障自己的安全，立刻報警尋求協助。」
