陳啟泰同陳展鵬（右）噚日喺深水埗武帝廟為亞視新劇進行拜神儀式，對於亞視有意加拍魔警徐步高的單元故事，而且仲屬意搵陳展鵬演出魔警一角，陳展鵬噚日即時成為焦點人物，陳展鵬話自己未睇劇本，亦未正式收到公司通知演出，問佢覺得自己外形似唔似徐步高，陳展鵬話：「我唔覺似喎，今次一定要睇咗劇本先接，全部負面唔接㗎，唔顧佢屋企啲大人感受，都要顧吓個細路女呀！」