鍾嘉欣早前因拍攝劇集《搜神傳》扭傷右腳，傷患未癒，日前即上陣吊威吔，被吊高至離地二十五呎拍攝一場摘仙果戲份。雖然埋位前已做足安全措施，但因連續拍攝十數次來回飛旋，又吊又撻，加上只以左腳借力落地，令鍾嘉欣倍感痛楚。
鍾嘉欣和惠英紅日前到元朗拍攝無綫新劇《搜神傳》外景，她早前拍攝該劇而扭傷右腳，傷患未癒，但當日她仍堅持親身上陣，拍攝一場吊威吔戲份。劇情講述略懂仙法的鍾嘉欣剛練成法術，即小試牛刀飛天摘仙果，最終因法力不夠而跌倒。
媽打急返港
拍攝期間，鍾嘉欣被吊高至離地二十五呎、來回升空十數次，加上劇情講述她因法力不夠而跌倒地上，又吊又撻，結果觸及傷患，但鏡頭前她仍強擠笑容，非常專業。
事後鍾嘉欣說：「本來隻右腳已經好啲，但因為冇時間睇醫生，所以開始腫痛，吊威吔都要就住嚟，人哋正常係雙腳落地，我因為要借力，點知單腳仲痛！」鍾嘉欣拍攝《搜》劇期間可謂禍不單行，耳朵和眼睛先後發炎，加上扭傷腳，鍾媽媽痛心之餘，早前更從溫哥華趕返香港，照顧女兒。
心口掛勇字
惠英紅在劇中飾演鍾嘉欣的繼母，兩人對手戲頗多。由於「愛女」受傷，故埋位前惠英紅亦以過來人身份教路，讓她掌握吊威吔秘訣，還親自替對方繫上安全帶。惠英紅說：「佢好似我以前拍動作片一樣，心口有個勇字，識啲唔識啲，有時拉傷咗都唔知，不過以新人嚟講佢已經做得唔錯喇！」
採訪：卓寶花
攝影：仇志德
