鄭融去年只顧拍拖而被經理人公司雪藏，最近又被指因只聽經理人公司的說話而開罪了正東唱片。鄭融的經理人公司表示正為她處理合約問題和另覓新唱片公司，而鄭融則勤練歌準備面對新環境。
日前有報道指鄭融繼去年只顧拍拖而無心工作後，近日又開罪正東唱片而再被雪藏，日前鄭融對此說：「我一直同正東嘅同事合作得好好，大家做得開心，咁先至事半功倍，總之合約就交番畀經理人公司處理。」
工作變積極
鄭融所屬的經理人公司种星堂老闆鄒世龍則表示今次事件是兩間公司合作上的問題，與鄭融的工作操守無關，他說：「嗰篇報道話我哋私底下接番唱片公司推嗰個job，事實上我哋覺得歌手喺宣傳期係應該有多啲工作嚟配合，作為經理人公司，當然係support個artist㗎。現時我哋係同正東解決緊合約上嘅問題，另外我哋亦同其他公司接洽中。」
鄒世龍又力撐鄭融的工作態度有明顯改善，他說：「如果Stephanie（鄭融）工作態度冇改善嘅話，公司都唔會再理佢啦，佢𠵱家做嘢好積極。」
現在樂壇新人迅速冒起，鄭融對此絕不擔心，她說：「我一路都有keep住學唱歌，唱功呢啲嘢係要一直提升，同埋見到咁多有實力嘅新人，自己真係唔敢偷懶，不停同自己講一定要做好啲。」
採訪：李珮洳
攝影：林德雄
服裝提供：DKNY
髮型：Tavin@HairCulture
場地提供：decor
