本周六「4.15無膠袋日」，全港千多間商舖全面停止主動免費派發膠袋。一手催生無膠袋日的環保團體綠色學生聯會主席何漢威，回望八年前從港大環境科學系畢業後，留學英國修讀生態學碩士返港追求環保理想，當時眼看身旁同學好友名成利就，自己落得兩袖清風也曾感「心翳」；但終見超市由多年前對膠袋問題「闊佬懶理」，到現時攜手推行無膠袋日，他舒一口氣說：「死都死得眼閉。」
從前絕不敢提膠袋稅
無膠袋日獲社會廣泛支持，中六已加入綠學聯、現年三十一歲的何漢威感觸良多。這位綠色漢子早於九八年首次舉辦膠袋運動「報紙不要袋」，卻慘遭滑鐵盧不獲報販支持，「膠袋稅呢三個字，當時更加提都唔敢提，怕引起社會反感，覺得我哋煩。」
他於數年前開始聯絡兩大超市要求減少派發膠袋，寄出的信件均石沉大海，「就算回覆都係好敷衍，我哋講環保，佢哋講生意，根本談不攏。」
綠學聯為此曾衝入超市拉橫額喊口號，又曾包圍長江中心請願，與超市關係緊張。事隔多年，兩大超市竟放軟態度，參與無膠袋日。何漢威認為，除因市民大眾的環保意識日漸提高，超市注重企業形象外，更因他們一班環保有心人多年的堅持及不罷休，終迫使商界認真面對問題。
至於何漢威本人生活又有沒有堅守無膠袋原則？他笑稱：「我屋企都有用膠袋㗎！」因膠袋有它的作用，並非萬惡，例如盛載魚類肉類的膠袋都應獲豁免。但買衣服甚至買蛋撻，他都拒用膠袋，媽媽帶回家的外賣飯菜，如使用發泡膠盛載，他更會絕食抗議。
久而久之，家人也陪他過着環保生活，不過對於一名英國利物浦大學碩士生堅持發展環保事業，長輩難免有微言，擔心「搵唔到錢、冇前途」。曾任職長春社、保港會及私人回收公司、現在無業的何漢威坦言，香港環保事業出路有限，但為了理想決不放棄。
記者 黃可欣