唔使問阿貴，我諗係人都知三菱汽車呢期最紅嘅車款肯定係Colt，所以代理喺香港呢個Market出完原裝Colt之後，又出埋ColtPlus和Evolution版本。不過唔講唔知，原來歐洲地區已經有Colt嘅開篷版出現，咁樣你話班Fans點忍得手吖！這款名為ColtCZCTurbo的開篷小車，個Look驟眼望過去跟原來的硬頂版相似，都係一樣咁Cute；不過最正斗係佢個電摺硬頂，由全開到全關要22秒！記住係22秒，好似慢咗啲喎！好在廠方幫佢裝咗台1.5公升直4Turbo偈，馬力147匹，實行用速度去補番數。
記者：鄭達基
銀色豪房鬥餐飽
揭到雜誌的後半部，又係名車大比拼嘅好時機，今次三位主角同樣來自德國，分別是寶馬330d、奧迪A43.0TDIquattro同埋平治C320CDISport。雖然全部都係在本港不會出現的柴油私家車，但它們的汽油版在港也是大收旺場，所以如果你正想買它們其中一款的話，可以留意一下。至於最後勝利者係邊個？咪係無論性能表現、車廂及造型設計都取得四星評級嘅寶馬330d囉！
