韋家輝（右）同杜琪峯（左）嘅銀河映像今年成立十周年，噚日佢哋喺中環就為咗月底推出嘅新書舉行記者會，書中內容主要介紹銀河映像十年以嚟推出嘅十部代表作品。喺記者會度，韋家輝仲多謝杜琪峯，話今日喺電影方面有唔錯成績，係因為杜琪峯一直堅持專心留港拍戲，而推掉唔少荷李活片商之故。