陳豪與廖碧兒前晚第三度以情侶檔行騷，搶去樂基兒的風頭，當陳豪被問到可與廖碧兒交換情侶電話，他即滿臉通紅像充血一樣，惟有深呼吸使自己冷靜，當場被廖碧兒指着取笑。
陳豪與廖碧兒前晚以情侶檔姿態到中環為某牌子新款手提電話行騷，樂基兒、Rosemary等也以性感衣着行天橋。現場只見樂基兒以性感背心露腰示人，Rosemary見狀即拉低上衣拉鏈，露bra搶鏡，不過風頭最勁的還是廖碧兒挽着緋聞男友陳豪的手進場，她笑得相當甜蜜，反而陳豪害羞得全程面紅。
「作古仔照顧你哋」
陳豪跟廖碧兒行騷時更度了一個故事，他解釋說自己出場時見靚女即打電話搭訕，得手後二人挽手離開。已是第三度以情侶姿態行騷的二人事後一同接受訪問，陳豪說：「大會要求我哋拖手，但我覺得尷尬，咪度個古仔出嚟照顧吓你哋，怕你哋冇嘢寫，有身體接觸會惹嚟誤會，我畀啲戲好過拖手啦！」
問他現實中是否也這樣追到廖碧兒，陳豪面紅說：「乜嘢呀，唔好咁啦，乖乖哋。」廖碧兒欲改變話題幫陳豪解圍，她說：「大會送咗電話畀我哋，刻咗名。」二人會否交換作情侶電話，陳豪說：「唔好咁樣圍我。」他邊說臉頰更紅，遂作深呼吸狀，連廖碧兒都指着他大笑，問到情侶檔是否有很高酬勞，廖碧兒謂公司安排，但就稱：「同同事一齊做嘢開心啲。」
此外，廖碧兒昨日出席Boots新美白產品的宣傳活動。對有報道指她與品牌另一代言人徐子淇爭寵，於一時裝展上刻意走光，她昨日回應說：「藝人最怕就係走光，點會特登？」
採訪：魯萍、藍文浩攝影：陳順禎、藍文浩
