今年雙春兼閏月，身邊朋友都要趕在今年結婚，出席的婚禮一浪接一浪，破財自是少不了。至於新娘當然是樂在其中，但卻不是因為新婚洞房花燭夜，而是婚前最後一次玩「越軌」！同一班姊妹們窺伺性感舞男的脫衣舞，成班姊妹興奮尖叫，真係仲好玩過新婚夜。若然你喜歡跟姊妹幽靜聚會，都可以選擇做treatment，輕鬆舒緩一下以最佳狀態示人；又或者你童心未泯，到老麥玩一樣開心。你諗到「最後一晚」點發洩未呀？
記者：黃若茵
攝影：楊錦文、陳盛臣
模特兒：Karen、Agatha、Annabelle、Irene、Jean（StarzPeople）
Annabelle：睇脫衣舞男好興奮，而且做得姊妹團嘅都係好熟嘅朋友，唔會覺得尷尬嘛！
10個變身脫衣調情
睇戲成日都話男人結婚前一晚要出去玩，都不知為何會有這樣的邏輯，不過既然男人玩得，女人點解唔可以？Lot10酒吧餐廳便為姊妹們提供猛男脫衣歌舞騷，姊妹要瘋狂就是這一晚喇！整個歌舞騷不純粹只跳脫衣舞，來自澳洲的貼身娛樂表演專家ChadWeston為豐富節目的內涵，加入了情歌獻唱、性感舞蹈及遊戲，更自行設計了10個不同的誘人形象，令新娘的婚前派對繪影繪聲。當然，野性的脫衣環節才是主打，ChadWeston會在調情的音樂下邊跳邊脫，半個小時後只剩下內褲一條，光是聽見已感沸騰，跳至興起，Chad更會邀請姊妹們一齊跳，一齊叫。新娘子這晚可先忘記新郎哥，盡情high個夠本。
舞男玩RolePlay
「惹性」套餐食色絕配
如此瘋狂的一夜，美食自是不能少。為了更有氣氛，Lot10特別製作了3款菜式，利用食物激發客人的感應和情緒。3道菜分別以歌唱、舞蹈遊戲及野性脫衣3個環節相間，邊吃邊睇騷，夠晒「惹性」：
（上）頭盤：大蝦鮮果薄荷蜂蜜乳酪沙律
大蝦的苯丙氨酸及乳酪的維他命B可增強本慾反應及功能，而蜂蜜則有助加強愛慾。
（下）主菜：香煎開心果脆皮銀鱈魚寶雲蘇配華多夫沙律
銀鱈魚的蛋白質可增強本慾動力，開心果及沙律中的合桃提高興奮及高潮程度。
甜品：冰極雜莓高濃度朱古力天然有機雪糕莎芭翁
高濃度朱古力的香料有效增強愛慾反應，雜莓的維他命C和E則挑動本慾反應及提高靈敏度。
Lot10「惹性套餐」每位$380
歌舞騷環節另加收費，如只選擇脫衣環節收費約$3,000（不可選擇舞男形象），如選擇三個
環節收費約$5,000。
地址：中環NoHo區歌賦街34號
查詢：31068384
婚前做treatment新娘變麗人
新娘子及姊妹們為籌備婚禮定必身心疲累，到結婚當日一臉殘樣點見人喎！事前做番個treatment就掂晒啦！
Bodywize不但為姊妹團提供面部及身體護理，還有幽靜的玻璃屋和小花園讓大家休閒地聊天，花茶、自製低脂蛋糕及BBQ單骨雞翼等都是免費提供，在這裏，大家能得到真正休息，舒緩婚前的壓力。
歎埋HighTea
（食物提供：Brown28918558）
蠶絲面膜×瑞典按摩
療程方面，新娘可選擇JJF儀器的收緊去皺療程，配合Elemis日式蠶絲面膜，補充肌膚水份彈性，或可選擇瑞典式身體按摩。姊妹同樣可揀瑞典式身體按摩療程或花果療程，分別以玫瑰、鮮果、薰衣草及植物精華，為面部肌膚提供滋潤，並改善暗啞灰黃的面色。做過treatment，心情放鬆人又靚，結婚嗰日記得要影多幾張相喇！
模特兒：Jessica、Edith、Ting、Emily、Chilli（TheGroup）
BODYWIZE新娘療程套餐
＊瑞典式身體按摩療程：每位$1,180/1小時
＊花果療程：每位$1,500/1小時15分鐘
＊新娘療程免費
＊最低消費：$10,000
地址：跑馬地成和道18-20號18B舖
電話：28385808
準新娘玩啲乜？
Lily(上排左一)：最近愛上煮飯仔，每次姊妹團聚我都會親自下廚㗎！
Yvonne（右）：諗住同班friend一齊到麥當勞開party，呢個係我嘅夢想嚟㗎，玩得開心價錢又平！
美美（上排左三）：班姊妹鍾意到酒吧飲酒，或者嚟我嘅新居打麻雀聯誼一下囉！
麥當勞姐姐同你玩 最平之選
成班姊妹到麥當勞聚會一樣可以好瘋狂，夾啱有人生日的話順便來個生日派對，一舉兩得，最緊要係夠經濟實惠，消費一定比落吧飲酒或餐廳飯局平得多。最好莫過於有麥當勞姐姐帶你玩遊戲，激發起一班大朋友的童心，甚至可將麥當勞姐姐同你玩的遊戲，於接新娘當日叫班兄弟玩，姊妹們有得笑，又可以懶懶哋諗少個遊戲。雖只是短短的一個半小時，但保證姊妹們一定可以盡興。
麥當勞生日派對
查詢：25778240
食物收費如常，如安排麥當勞姐姐一起玩遊戲，則每人另加$20。
