民主黨中西區區議員梁耀祖去年十月尾遇上車禍，被一架貨車從後撞傷，延至上個月不幸過身，民主黨兄弟為佢辦後事，今晚喺萬國殯儀館設靈，聽日出殯，梁耀祖從政多年，可以話係民主黨培植嘅後起之秀，英年早逝令黨內唔少人傷心。
梁耀祖友人透露，出事當晚梁耀祖同屋企人打完邊爐，因為翌日早上要出席一個社區活動而早走，詎料就此同家人訣別。呢單交通意外事發成半年，原來肇事貨車司機仍然未被起訴，警方曾出通告呼籲目擊者提供資料，但發言人稱無接獲任何資料，案件則已完成初步調查，已將報告提交律政司跟進。
傳真︰2623-9278
電郵︰[email protected]