日前跟一位好耐無見嘅朋友到灣仔食晚飯，食完之後就一齊搭巴士返旺角。哈，好彩喎！等咗無耐就有巴士來，仲要係新車㖭，朋友都話：「部車幾型吖！」
不過我哋上咗車後，都覺得好後悔，我諗大家已經知我想講啲乜喇！部車一出站已經劈住去，無論係金鐘道咁闊的路面，又或者係皇后大道有電車軌喺附近嘅路面，也要劈住去，嚇到我同朋友兩個差啲喊咁滯，後面仲有位阿伯乘客話自己好似搭緊過山車咁，好激呀！雖則車速唔係太高，但始終係一部大巴士，如果有咩差錯就會鑄成大錯。無疑趕收工乃人之常情，臨收工一轉踩快些少一啲都唔出奇，但各位巴士司機大佬真的要記住，每程車上也有過百位乘客的生命在你手，如果發生意外有人傷亡的話，嗰時真係難辭其咎。
記者：鄭達基