八方噚日話毓民迷途知返，由用《公教報》包波鞋變歸向耶和華，卿姐原來就同毓民相反，由信天主變番信自己。卿姐話，讀書時曾經領過洗，但去咗美國讀大學後，就開始冇返教堂，跟住一直到𠵱家都冇返，所以都唔會話自己係教徒。
卿姐話，雖然冇返教堂咁耐，但啲神父修女都唔會對佢有敵意，有個修女就同人講：「Sheisjustresting」，咁佢去賀陳樞機，樞機都冇訓誡過佢。
近年卿姐嘅辦事處成日俾人襲擊，街板橫額又俾人勁破壞，但冇乜點破過案，咁多年淨係捉到兩個人潑屎搞破壞，都係輕判罰款七百五十蚊及二千蚊。卿姐話，亂拋垃圾都要罰千五蚊，冇理由判得咁輕！佢噚日已去信李少光同黃仁龍，要求解釋點解破案率咁低？
近排煲呔暗寸陳太叫佢收聲，卿姐話，其實退休公務員個習慣係唔講嘢，陳太如果想發表意見，一係組黨，一係好似前高官黃錢其濂咁入黨（黃太入咗前綫），用第二個身份講會好啲。
傳真︰2623-9278
電郵︰[email protected]