黃婉伶（Race）在電影《黑夜》的女鬼造型曝光，電影公司原打算將她在浴缸遇溺的死狀海報放於地鐵宣傳，但因造型太過驚嚇，遭地鐵公司要求更改。
談及化鬼妝經過，Race說：「我每次化妝都要坐足兩個鐘，無論天氣有幾凍，我都要着背心短褲，畀化妝師將我全身塗白粉。而拍攝當日係今年初最凍嘅，得攝氏五度，仲要拍足兩晚，我差啲凍到感冒。」
最驚浸死
提到拍攝浸死一幕，Race說：「我雖然識游水，不過平時游水唔會浸過頭，我由細到大最驚就係浸死，但今次偏偏就係要講我喺浴缸浸死，仲要喺水入面張開眼同口，唔可以有表情，個鼻就不斷入水，好辛苦，可以嘅話，我暫時都唔想再扮鬼。」
撰文：林妃
