徐子淇昨日為MissSixty在銅鑼灣百德新街的新店開幕擔任模特兒，原來前日她胃痛入院，更要打止痛針，昨日卻死頂到場行騷，現場表演時亦未有流露半點倦容，表現專業。不過，完騷後接受訪問時，她第一句便說：「好辛苦，噚日醫院吊鹽水，𠵱家仲調查個原因，醫生幫我打針，打完就好暈，我好怕打針，連間醫院都怕咗我，護士要好似𠱁細路仔咁𠱁我，請我食糖食朱古力。」
徐子淇續說：「呢個騷之前應承咗，做人要守信，所以今朝我喺醫院set頭化妝，感覺好似死人化妝咁，𠵱家男朋友仲未知，我都冇時間打畀佢。」
高人一等
此外，名模陳嘉容、陳苑淇、劉心悠等昨日擔任剪彩嘉賓，身高達五呎九吋的陳嘉容、陳苑淇在新店揀選衫褲鞋襪時，竟然不約而同揀選一對四吋高的綠色鬆高鞋，站在店內高人一等，影大合照時，身材矮小的男子組合赤子，頓時變成一班小朋友。
採訪：楊潔雯
攝影：陳順禎