CAPCOM隻《大神》下個禮拜就見街，全水墨貼圖3D動畫技術，令機迷相當期待，不過喺嚟緊六月，CAPCOM卻大反傳統，唔玩至耍家嘅動作Game，推出以影女為主嘅「趣味」遊戲，仲搵嚟三大索女撐場㖭！
記者：徐影龍
自當年LaserActive憑LD超大容量，推出收納真人靚女影像為號召嘅「影女Game」後，大收旺場，自此呢種玩法久唔久就喺次世代機登場。最估唔到連剛陽味勁重嘅CAPCOM都玩呢家嘢！新Game《FinderLove》，以拍攝靚女沙龍為主要賣點，推出嘅三個版本各有專屬索女主角，包括原史奈、工藤理沙，連涉嫌「假波事件」嘅星野之亞紀都有！
故事背景講身為攝影師嘅你，跟同行靚女去到南面一個小島度假，遊山玩水之餘，仲可影低佢嘅一舉一動。閒時就算唔影相都仲有其他活動，例如行街Shopping、餐廳歎Hi-Tea等，認真Hea得交關。
www.capcom.co.jp/finderlove