政府諗住增加超速攝影機（即「白鴿籠」）的數量至二百部，希望覆蓋範圍大到好似手提電話咁，遍及全港多條主要道路，希望可以藉此減低因超速發生嘅意外咁話喎！我聽到之後大叫：「好事吖！」
我曾經在筆直嘅吐露港公路，親眼見到一部三菱LancerEvolution和大改本田Civic在路上左穿右插，險些因而撞及一部巴士。另一次則有一部小巴埋站上落客，但尾隨的兩部「戰車」竟不理對面有部的士上緊山，越過雙白線爬頭，仲要一爬爬兩部，嚇到對面線部的士又響按又閃燈，最後更要急煞停下。有時我真係好想問吓呢啲咁嘅司機：「條路你㗎？開快車唔該去賽車場啦，唔好喺度鬥車先得㗎！」所以如果警方要加裝呢類超速攝影機，警方不如諗吓喺荃錦公路都加幾部，我諗呢類司機以後都唔敢亂嚟！
記者：鄭達基