兩鐵合併對火車迷來說可謂有喜亦有悲，自小沉迷火車及鑽研鐵路歷史的香港鐵路會前會長劉棟遠坦言，兩鐵合併無疑會淡化九鐵的獨特性，但他認為這或會帶領本港鐵路創出新景象，開拓更多新路線，擴大本港鐵路版圖，他更希望兩鐵培養公眾對鐵路的感情。
劉棟遠說：「舊有嘅古老火車固然令人懷念，但兩鐵合併係歷史嘅一個進程，如果將來兩鐵嘅硬件設施例如工程卡車可以共用，咁係一個突破，作為火車迷嚟講，呢個係夢想成真，值得高興。」
應保留鐵路文化
但他批評，兩鐵及政府一直忽略本港鐵路文化發展，令港人鐵路文化薄弱，「大部份嘅香港人只會視鐵路係一種交通工具，唔會關心佢嘅歷史文化，同外國差好遠，我覺得兩鐵應該花多啲功夫保留鐵路文化，唔好令佢消失。」他更建議兩鐵在特別日子，用油渣火車頭拖載客卡車舉行活動，加強公眾的鐵路文化意識。由鐵路迷組成的香港鐵路聯盟副主席黎銳明表示，兩鐵發行的紀念票及列車模型均是發燒友熱門收藏珍品，他認為兩鐵合併可簡化架構及人手，乘客應可獲得更大的票價優惠，唯一顧慮是合併後的鐵路公司變成一個較九鐵更大的「獨立王國」。
本報記者