傅穎（Theresa）與楊愛瑾（Miki）兩餅女在新片《黑拳》中扮演由內地來港的女子，二人需要作性感演出，Theresa露出誘人胸圍，Miki則要挑逗張兆輝。而在片中演拳擊教練的鄭中基卻只有連場動作戲，與兩位女角一點感情戲也沒有。
傅穎、楊愛瑾、鄭中基及吳京等昨日在觀塘出席新片《黑拳》開鏡拜神儀式，戲中Miki與Theresa飾演講廣東話不正的內地女子，但戲服就相當性感，Theresa更因戲服太性感而感到尷尬。
尷尬又好驚
Theresa說：「我個角色係一個好文靜同內斂嘅女仔，但戲服就好性感，入面着紅色胸圍，出面着一件低胸背心，個感覺好似只係戴住個bra出街咁。
「試造型時好尷尬，因為在場有好多男工作人員，不過拍戲嘅時候，我已經豁出去，無論唱歌同拍戲都係有史以嚟最性感一次。」
Miki也不遜色，她說：「我就着住好透嘅白色衫，但裏面個bra帶就係花花圖案，我都驚勁得滯。今次要性感演出真係好大鑊，之前仲拍咗場戲要我向張兆輝發姣，仲要挨身挨勢拋媚眼，我唔敢做，真係好驚。」
而在戲中飾演拳擊教練的鄭中基，片中有不少動作場面，但可惜與兩位女主角沒有感情戲。
好打人深沉
鄭中基說：「因為我係做張兆輝個手下，通常好打嘅人係深沉啲，唔會發展感情，但其實我都好想同女對手有感情戲，我更加想拍愛情片，邊個係對手都冇所謂。」
採訪、攝影：魯萍
