有「價格屠夫」同「價格破壞者」勁朵嘅國美電器（493）主席黃光裕，舊年年頭突然剃頭，原來唔係純粹因為高興咁簡單！據內地報章《華西都市報》引述佢助手講，主要係因為當時壓力大，甩頭髮，咪索性剃光囉。
之後又點解留番啲頭髮呢？佢助手講，去年底黃首富啲頭髮唔知點解又生番出嚟，仲好似以前咁濃密㖭。於是又留番。鬼咩，公司成功抽水，又有間著名基金美國華平投資買咗佢哋啲可換股債券，咁開心，真係冇頭髮都即刻生番出嚟啦！
份報章仲親自走訪黃光裕，黃生話唔想大家再計佢有幾多銀両，因為冇乜意義喎！佢個人希望唔好再俾人叫首富。其實黃生又唔使咁認真，咪當係畀啲嘢記者寫囉，大方啲啦。