眨吓眼，國泰航空就成立咗六十周年，噚日一班老員工帶八方行赤鱲角機場，講吓啟德時代嘅趣事。
原來國泰基層員工七三年先有第一部電子計數機用，之前都係用手攪計數機或者算盤，𠵱家聽起嚟都好難想像；啟德機場以前午夜十二點正就閂門，飛機就算過咗一分鐘都冇得起飛，啲職員就要通宵達旦幫飛唔到嘅客人搵酒店落腳。
佢哋個個都話上下員工好似一家人，原來有啲員工真係一家大細入晒嚟做。關姓三姐弟同老竇都係國泰嘅員工，不過老竇𠵱家已經退咗休喇。
大家姐嘉麗話老竇有特價機票，佢細細個就成日去旅行，出入機場都見到老竇啲同事啲制服好鬼靚，所以就入埋去做乘客接待員喇，之後細妹細佬仲跟住齊齊打國泰工㖭。
傳真︰2623-9278
電郵︰[email protected]