警隊近年積極提高服務質素，同大眾建立合作夥伴嘅關係，油尖警區鑑於區內有唔少少數族裔人士聚居，其中區內嘅尼泊爾人就至少有四千幾人，為咗加強對尼泊爾人士嘅服務，呢個警區最近為前線人員開辦尼泊爾語訓練課程，教前線人員簡單嘅尼泊爾話。油尖警區指揮官鄔達士喺今日出版嘅警隊內部刊物《警聲》度講，話認為呢個訓練可以增加警員同本地尼泊爾人嘅接觸機會同溝通，肯定對執法有好大裨益。八方都覺得語言係好重要，如果警方負責世貿會議嘅人員喺舊年一早學識簡單嘅韓語等其他外語嘅話，咁就未必會出現被指無理扣留示威者嘅亂龍事件啦。
傳真︰2623-9278
電郵︰[email protected]