相信好多人都仲記得喺一九七二年慕尼黑奧運會奪得七面游泳金牌嘅美國「水怪」史畢茲，同埋美國四百米欄王摩西斯，佢哋退役後參加咗一個名為勞倫斯體育學院基金，資助全球不同嘅有意義計劃，其中由本港警方義工聯同社工及其他機構推動嘅奮進行動計劃就係其中一個受資助嘅計劃，透過拳擊、足球、欖球等體育活動，畀青少年同警務人員建立互信關係，培養少年嘅紀律同正確價值觀，日前史畢茲、摩西斯同南非欖球傳奇人物彼利斯訪港，親自到黃大仙區睇吓區內貧困嘅情況，摩西斯喺今日出版嘅警隊內部刊物《警聲》中話，今次探訪令佢哋睇到一啲會影響青少年淪為不法分子嘅因素，令佢哋留下深刻印象。
傳真︰2623-9278
電郵︰[email protected]