廖碧兒昨日在尖沙嘴行時裝騷，面對一眾比堅尼女郎，她初時較為失色，其後以低胸性感彩花裙壓軸，沒有打底，成功扳回一仗。清瘦不少的廖碧兒表示自己是「安全性感」，行騷底線全看公司和大會安排。
意大利新時裝品牌GAS昨日在尖沙嘴舉行○六春夏騷。近期熱衷出席時裝活動的廖碧兒，與吳嘉龍行天橋，示範多套春裝。廖碧兒初時演繹的服裝較密實，與穿比堅尼、熱褲的模特兒比較，明顯失色，最後她穿上低胸粉紅花裙，開衩露腿，才成功以性感搶回風頭。
工作忙助瘦面
現場所見，廖碧兒消瘦不少，她說：「係呀，因為近排工作忙，面都瘦埋，不過係百分百自然瘦㗎。」問她為何不以比堅尼示人？廖碧兒說：「大會都冇要求，其實都係睇番場合同性質，主要公司安排囉，因為我係藝人，要理埋形象，唔只係行一次catwalk咁簡單。」
廖碧兒續說：「今日嘅性感程度OK啦，都安全嘅。其實平時我喺香港都會着比堅尼，只不過只限於私人時間曬太陽、游水咁。」早前廖碧兒穿deepV裙出席Gucci時裝騷，錫身以一件白色tubetop打底，招人批評。她昨日突破底線，沒再打底，她對此說：「嗰次係品牌要求我着得靚啲，條裙都係佢哋揀，係佢哋叫我用tubetop打底。」當問到其前男友劉愷威事業跌入谷底，廖碧兒斬釘截鐵說：「冇回應！我哋好少聯絡，唔想講。」
北非情懷新裝
GAS今季以北非摩洛哥為主題的新裝，洋溢ethiccity氣息。用色及輪廓都展現一片遼闊原野色彩，有日落非洲的啡橙色，樹木、沙漠的深淺啡色、草綠色和白色等，又有青春性感的比堅尼配safarijacket等，圖案則有各式民族tatoo和花朵。
採訪：RitaLeung
攝影：ChenWaiOn
