到咗今個月二十二號，就係新加坡《海峽時報》首席特派員程翔被中國無理拘留一周年，其間，呢位資深傳媒人梗係得唔到公平對待，一時又話佢係間諜，一時又話要告佢，但係之後又發還北京市國安局作進一步調查，當然最冇陰功嘅係冇得同太太劉敏儀見面。好彩程劉夫婦倆夠晒硬淨，佢兩人當年出名愛國愛黨，八九「六四」前更係左報重點栽培對象，真係搵鬼信程翔會出賣國家。
有鑑於大陸無理扣人，記協噚日發起「要求釋放程翔」聯署簽名行動，收集晒新聞界簽名後，就會喺二十二號喺報紙登廣告，促請中國當局喺無符合國際標準證據起訴程翔時，要立即釋放程老兄，等佢快啲返香港同家人團聚。
傳真︰2623-9278
電郵︰[email protected]