日產BluebirdSylphy車系轉款，雖然用上Bluebird的名字掛帥，但係翻開本BluebirdSylphy族譜一看，其真正的身份卻是Sunny本土版升格後的變種，呢部帶有點新版Cefiro影子的新車，賣相夠豪又好有自家的一份獨特個性，兼且車長尺碼適中，只有4,610mm，較現行Sunny大但又細過Cefiro一點，最過癮係佢既有1,500cc的引擎配搭，又有至新的一台2,000ccMR20DE引擎型號做組合，銷售對象從家庭客以至中產都合適㗎！
族譜內有大篇幅介紹全新BluebirdSylphy的各項細節外，筆者至喜歡仲係多部同級車的比較，既有1,800cc的豐田PremioX，又有本田同係1,800cc的CivicGL，雖然幾部車在港未必買得到，但有咁詳細的測試報道，睇落都好吸引。
筆者對其中幾款被替代的車系仍然情有獨鍾，日產一部Bluebird在本地車壇，可謂是叱咤一時，及後廠方以Primera入替，亦錄得不錯的銷售數字，兼且在濠江每年一度的東望洋車賽有不錯的戰績！
記者：陳偉林
